Merry Christmas!

今年平安夜過得平淡但快樂, 與好姊妹行街睇戲, 福爾摩斯o係無期望之下好看得超乎想像, 兩位男主角十分吸引, 特別係JUDE LAW, 雖然愈來愈M字額, 但魅力不減, 看得我很開心。 之後去九龍城朋友新開張o既禾牛薈火鍋打邊爐, 兩位好朋友都係股東當然要捧場, 食物非常新鮮, 裝修不俗, 三五知已暢所欲言, 一起倒數後就解散回家, 今年係少數避開尖咀旺角人潮o既聖誕節, 感覺良好呢!

無聊事一則

公司有一大小姐, 每逢佢用完水機o既水都會通知我同另一個同事換水, 須知道力大如我換水都有d難度, 公司人人都有份, 點解要我地服侍佢呢? 我o係公司有自己電水煲, 好少用到水機o既水, 咁o岩呢兩日水機o既水用完, 我地決定只飲我水煲果d, 點知佢寧願唔飲都唔願意去換, 水機剩餘的半杯佢可以飲幾日兼唔洗杯, 勁! 姑且看邊個忍耐力強? 哈!