新年快樂!

做左呢間公司咁多年, 第一次得閒返去食年夜飯, 全廠共一百二十圍, 好不熱鬧。 加上抽獎, 令車間工人十分興奮, 故我叫少爺就算抽到我都唔好公佈, 機會還是留俾工人吧! 原本打算只留兩日一夜, 到第二日幾位司機都大醉, 無人揸車送我返香港, 故被迫多留一晚。 連續兩晚同工廠同事去卡拉ok劈酒玩樂, 俾人狂隊之下仍能力保不失, 果然寶刀未老, 哈! 工廠同事十分玩得, 笑聲不斷, 加上老細o既大利是, 此行收獲甚豐!

BAD NEWS

公司有著最討厭o既人, 一直都好想佢走, 見佢成日o係公司搵工, 衷心希望佢有更好發展, 阻人發達猶如殺人父母嘛。 不過試問除左我地邊間公司會請個遲到早退, 曠工, 盲字都唔識多個o既人? 搵工希望落空, 點知更失望o既跟住黎, 有高層竟然同我講, 縱使佢紀律如何差, 公司都唔會主動炒佢, 只有等佢搵到自己離職, 天啊! 咁豈不比我中六合彩更難? 聽到呢個消息令我消沉o左好一段時間, 返工提唔起勁, 學左佢遲到早退唔返o既習慣, 既然公司都話呢d可以接受, 我唔享受下咪好蝕?