近日忽發奇想, 試下一個人去旅行o既滋味,目的地就係近近地而且去過兩次o既台北,於是開始詢問各方好友o既意見。結果真係令人失望,竟然係大比數反對,各人理由分別係"你唔識保護自己"亦有話"我覺得你係遇到問題唔識解決o既人" 仲有更過份只重複講左兩句"你唔得!"
COME ON!? 我到今日先知原來我ｄ朋友對我咁無信心，真係大打擊，好歹我都一手plan過一個英法之旅,由訂機票,車飛,酒店至行程都係我一手包辦,仲非常順利添,點睇我都有d導遊o既potential啦,區區一個台北會難到我?同埋我唔怕一個人住酒店,只要唔去夜街應該唔會有咩危險,我仲有朋友係台灣人又有手機,有咩事求救都有門。最大怕題反而係無人同我影相呢? 平日我去旅行影o既相,無論咩角度都要硬塞自己個頭入鏡,如果一個人就唔得喇,不過我真係好想試下一個人好free咁旅行,睇下咩feel,唔洗就人鍾意去邊就去邊,yeah!
P.S.在此多謝唔計我自己果票而投左我神聖一票o既朋友,你o既一票對我有莫大鼓勵!
3 則留言:
如果你係打算好似"嫁個有錢人"既目標的話, 我勸你去個有potential D 既地方啦, 例如歐洲...不過投資會大好多...但回報...嘻!!我"掙"你, 因為我都成日夢想自己去旅行, 不過最後都係唔夠"姜".....
我仍然堅持我手執的反對票﹗﹗﹗
我支持你一個人去旅行!因為我自己都PLAN左好多自己一個去旅行o既計劃~
但係唔支持一個人去台灣!! XD!
因為憑你自己一個係冇可能夜晚去掃街架!XD!我覺得去台灣最好起碼有2-3個朋友一齊去囉~~
發佈留言