十月係一個生日月，有三個好朋友都係呢個月生日，尋日打頭陣同一個女仔朋友慶祝先，雖然遲左一日，我諗佢都唔會mind, 因為正日佢都要同男朋友過呢! 尋日突然間好想食泉章居, 因為佢d野食真係幾有水準, 不過試過一次去旺角果間竟然等位等一個鐘有多。 於是尋日放工即刻去睇下多唔多人先, 竟然好少人, 等左兩個字已經有位, 果陣7點都未夠.....但我地等到八點先等齊人開得飯囉! 食左一個四人餐, 有果度出名o既霸王雞同埋三個小菜, 價錢都好經濟, 隻雞真係好好未, 呵呵!
食完飯去左登打士廣場17樓一間cafe, 果度環境唔錯, 幾夠大又剛好有梳化位, 好o岩飲下o野吹下水, 我叫左杯朱古力加士多啤梨奶昔真係超好味! 不過最衰係播埋d我地唔識o既英文歌, 我唔識英文架嘛! 不過總括黎講果間野都算唔錯, 最後我送o左份我自己認為好有意思o既生日禮物俾壽星女, 希望佢鍾意而又用得著啦!
我明白不接受他人的批評和意見是很難令自己進步，但我亦覺得不用刻意去做一些事情來表示自己有進步，反正人生是不停在變，明年的你一定跟現在的你有分別-By Ketchup
追蹤者
關於我
- MUBecky
- 一個曼聯同克勤o既super fans, 一樣咁長情鍾意左10幾年, 2005的4月終於完成我一生人最大o既夢想, 到"夢劇場"奧脫福一遊, 真係畢生難忘, I'll Be Back!
3 則留言:
你講o個2間野我都未去過...=_=!!
chocolate strawberry milkshake真係好吸引wo!!! 好想試下!!!
小朱朱.....下次番黎我同你去啦!
多謝哂你份禮物呀, 好鍾意, 好有意思, 特別係張咭, 真係幾sweet...算你啦! 講到飲野,哩間真係幾正, 我諗我地真係可以每次發掘下d新野試下, 好過次次去同一間, 咁先配合我地一向貪新忘舊既作風架嘛..嘻嘻....
發佈留言