雖然英格蘭如願首名出線避開德國, 但前景依然令人擔心。 奧雲黑過墨斗, 開賽一分鐘即傷, 仲要長抖果隻, 換入最唔想見到o既高治, 打後賽事只剩3個前鋒, 仲要得一個叫有d質素, 有咩差池大力臣選人絕對好錯, 責無旁貸。
中場出番個正防中夏格維斯令林伯即刻生番, 雖然不嬲對此子無乜好感, 後防面對唔算高班o既瑞典都失兩球, 唔係有運分分鐘香埋。 李奧傷出(唔肯定係唔係), 換入十世無出場的蘇金寶刺激我地心臟, 久疏戰陣, 位置感全無, 真係咁無人可以出? 肥仔出番改變戰術, 碧咸隨之少左斬波, 都唔知是福是禍, 有球迷唔滿意佢經常斬波浪費林伯同謝拉的組織能力, 偏偏之前贏果兩場都係靠佢準確的斬波先入到波, 真係唔知邊樣先o岩。
尋晚可見朗尼求勝心切, 但剛剛傷癒無態實屬正常, 眼見瑞典大有反勝之勢, 換人的確必要, 見佢發脾氣o既臭檔樣, 頓時一d都唔可愛了, 再係咁落去英格蘭對厄瓜多爾都未必贏到, 唉.....
沒有留言:
發佈留言