睇波活動

星期日同一大班曼聯fans去灣仔o既手臂吧睇曼聯英超揭幕戰, 曼聯大勝富咸5比1固然開心, 睇波現場氣氛之強烈令我異常興奮, 我坐近阿ben同史塔, 成晚俾佢地笑到我喉嚨都痛埋, 一入波互相give me five一番, 中場各人興奮到四圍影相, 阿ben強到單手交叉揸機, 笑死我地呢!

講番場波, 曼聯終於用番多年無o既兩翼出波, 效果奇佳, 20分鐘已經入4球, 當然富咸後防之鬆散亦都係我地始料不及。 我同SY都覺得呢個勝仗來得太易, 不宜開心得太早, 可能係虛火, 下場無左朗尼同史高斯, 變數太多。 最好笑比賽後段, C朗開始浪射夾無準, 有人大叫"C朗番來了"