我而家o係呢間公司的確令我有呢個感覺, 人地唔講我都唔知, 原來成日同我撐果個八婆已經將我個背脊插到花哂, 奇怪老細仲未同我對話, 睇黎佢功力未夠, 哈!
自問對少爺唔差, 遲到早退, 無啦啦可以粒聲唔出走左去成個禮拜, 咩都無交低, 竟然去左打籃球同陪女友, 我一句都無話過佢, 同佢補唔少鑊執唔少蘇州屎, 而家個八婆插我佢竟然企個八婆果邊? 佢究竟有無良心? 得! 佢唔使指意我過o野俾佢, d鑊自己咩番!
好耐之前朋友話我係公司o既弱勢社群, 我而家深深體會到, 有理無理都唔會有人企我果邊, 因為佢地全部係大陸人, 槍口一致對外, 夠哂團結, 我有道理有如何? 我已經講到明"我爛命一條, 咩都唔怕, 最多唔做",
但最痛恨人地耍陰招, 八婆有本事同我死過!
我明白不接受他人的批評和意見是很難令自己進步，但我亦覺得不用刻意去做一些事情來表示自己有進步，反正人生是不停在變，明年的你一定跟現在的你有分別-By Ketchup
追蹤者
關於我
- MUBecky
- 一個曼聯同克勤o既super fans, 一樣咁長情鍾意左10幾年, 2005的4月終於完成我一生人最大o既夢想, 到"夢劇場"奧脫福一遊, 真係畢生難忘, I'll Be Back!
3 則留言:
拎埋bonus好走啦!
我一定會，到時唔好求我，哈！
頂住呀!
支持你!!
發佈留言