星期日睇左場開心o既比賽, 唔單止曼聯取勝, 同時呢場都係近年雙方對賽少有打得咁放o既一場。 往時睇曼聯對利記都係緊張而唔精彩, 兩隊大鬥沉悶, 十分保守, 都係一球上落, 但尋晚果場令我異常興奮, 兩邊都搏哂槌, 當然利記進攻明顯有心無力, 輸亦屬正常!
尋晚最令我印象深刻係費查同李奧, 費查代替C朗交足貨, 走上走落, 非常勤力, 雖然仍有交失o既老毛病, 總括功多於過。 李奧果一個入球簡直有施丹影子, 邊個想像到一個後衛腳會射出如前鋒功架o既入球? 李奧好日唔入波, 呢球咁靚抵輸啦! 有d可惜如此勝仗都未能拋離車仔, 但反觀車仔今屆表現已比上兩年少左好多霸氣, 只要朗尼快d重拾射門鞋, 卡域克盡快入局, 各人都無病無痛, 曼聯爭回聯賽冠軍仍然係樂觀o既。
沒有留言:
發佈留言