鍾意左克勤10幾年, 終於等到佢結婚喇, 衷心替佢開心。 非常羨慕個伴娘哦, 有劉華做伴郎, 點解我都無呢d命水? 奉勸各位好姊妹如果想搵我做伴娘, 請預備一個同劉華咁上下質素o既伴郎, 否則免問, 哈!
本來真係有打算去一去酒店現場, 睇下一對新人, 睇番報紙好彩無去到, 原來佢地5時多已經出來, 我放工去到都係白行一趟。 有DJ去完婚禮講, 佢地睇番克勤英國影D婚紗相, 有D係去到一個球場拍, 相信有99%呢個球場會係奧脫福, 因為以克勤喜愛曼聯程度佢絕對唔會去其他球會的。 恨死人喇, 佢影之前都應該使唔少橫手, 因為奧脫福出名規距多多, 影婚紗相等事應該好難申請吧! 希望俾我搵到佢D相啦, 盧淑儀嫁到克勤真係幸福, 當然佢10幾年不離不棄都應有此報, 再一次祝佢地白頭到老, 快D生個勤仔啦!
沒有留言:
發佈留言