SHOCK

今日睇"每當變幻時"前收到個好震撼o既消息, 一個中學o既同班女同學, 因為減肥而有厭食症, 其後變成肺積水, 做完肺手術後又發現肝亦受感染, 終究不治。 聽到之後很心up, 雖然唔係同佢太熟, 畢業後只見過兩三次, 但不時都由其他同學口中知佢o既消息, 說將會結婚之類, 在舊公司附近都撞過佢幾次, 並無咩異樣的。

話說回來呢個女仔一向都唔係肥底, 所以都無太必要減肥, 更難想像減至走火入魔導致厭食。 打來o既同學o係電話中已經有d哭意, 說其他相熟同學更泣不成聲, 諗到個情形真係好難過, 年紀輕輕, 一半o既人生都未完就去世, 雖然好耐無見但佢個樣o係我腦裡面突然異常清晰, 一向看唔透生死o既我聽到呢d事情真係好難釋懷, 特別係呢D年輕o既生命, 心情有d沈重。 希望各位減肥人事適可而止, 肥瘦不及生命來得重要!