一向都唔否認我很愛我o既爸爸媽媽, 可能細個時兩個姐姐跟公公婆婆住, 只有我一直跟住爸媽, 所以感情特別好, 即使而家兩個家姐唔太理屋企我都願意照顧佢地。 媽媽雖然照顧我無微不至, 但都不免係一名"嫦娥", 正如我常說老人院都唔收佢。
基於屋企負擔問題令我遲遲唔敢轉工, 阿爸搵唔多, 兩個家姐無俾家用, 真係唔敢輕舉妄動, 一個唔覺意真係要申請綜援了。 上星期同媽媽飲茶傾左好多, 傾將來, 老實說對自己將來一d把握都無, 轉唔轉到份好工, 會唔會一世獨身通通都係問號。 點知到我問媽媽支唔支持我轉工時, 佢竟然支持, 真好係好意外, 我以為佢同爸一樣會反對的, 基於錢同埋因為我呢份工真係好free, 我爸一都直係反對我轉的, 但我想唔想咁樣困一世。 我問媽點解會支持佢話呢個係我心願, 講左咁多年想做就去做啦, 聽到果刻真係感動到想喊, 媽媽原來唔係我想像中咁"盟塞", 我真係好愛你呢!
我明白不接受他人的批評和意見是很難令自己進步，但我亦覺得不用刻意去做一些事情來表示自己有進步，反正人生是不停在變，明年的你一定跟現在的你有分別-By Ketchup
追蹤者
關於我
- MUBecky
- 一個曼聯同克勤o既super fans, 一樣咁長情鍾意左10幾年, 2005的4月終於完成我一生人最大o既夢想, 到"夢劇場"奧脫福一遊, 真係畢生難忘, I'll Be Back!
2 則留言:
你真好，有屋企人支持你‥‥好羨慕﹗
當然我支持你轉工，趁後生仲有氣力，
梗係想做就去做，
就算呢家搵一份唔o岩，
再搵過第二份都仲有能力，
騎牛搵馬都仲得﹗
遲多二年我都唔敢想像我仲有冇呢個能力，
所以要轉的話就轉啦﹗
你好過我啦﹗起碼你有咁多年shipping經驗﹗我呢家咁既年紀先叫係一個起步﹗
我都係咁轉‥你話轉工有幾難呀？
你看看你的好姐妹，
不顧一切地去澳洲為了體驗生活，
你就知道有d野係要趁後生去做了﹗
YEAH! 多謝你o既支持呀! 希望趁我殘餘o既青春, 搵份好工安享晚年啦, 我地都要一齊努力幹一番大事呀!
發佈留言