睇到嗎? 就係呢個歷史性時刻, 追隨左克勤18年, 終於有機會同佢直接對話, 仲要o係萬幾人面前, 雖然只有短短幾句, 都足以令我開心到想喊。 我同朋友都覺得好奇怪, 當時佢係背對我地, 聽到我把聲之轉過頭來應我, 點解佢一認就知把聲係我呢? 仲同我四目相投, 果一刻令我覺得我地好似相識o既朋友在閒話家常, 呵呵....仲令我開心到成晚訓唔著, 打後兩日滿腦子都係克勤望住我個情景。
講返演唱會, 克勤唱live水準當然唔會懷疑, 要讚下現場音響十分好, 好多樂器同克勤crossover, 非常好聽。 因為克勤歌太多, 好多我鍾意o既都無唱, 如"紙婚", "吻別的位置"....但都有d side cut令我意外如 "世界未日的早上" 真係完全無plug過。 呢個係我一生人最難忘最好睇o既克勤演唱會, 唔好話$480, 就算$4800都抵到爛呀!
沒有留言:
發佈留言