相信只係忠實o既曼聯fans, 尋晚都會同我一樣感動得眼泛淚光, 等待九年終於等到另一場o既歐聯決賽, 八年o既失望, 試過分組賽出局, 八強出局, 四強出局, 偏偏就踏唔進決賽。 費sir一直唔退休就係想拎多次歐聯, 老實說, 真係好羨慕利記o係歐聯表現出游刃有餘, 進身歐聯決賽如家常便飯, 而家到曼聯夢想成真更覺難能可貴。 巴塞一d都唔易對付, 如果唔係史高斯一記神來之筆, 曼聯能否入決賽都成疑問。 此外, 列卡特o既功力都係問題, 曼聯兩個回合都表現被動, 任佢攻都係老鼠拉龜。 九年先一次o既決賽我竟然無緣睇到, 那時我身在澳洲心在莫斯科, 各位好友我會不停地騷擾你地問賽果, 請你地有心理準備!
沒有留言:
發佈留言