幾唔捨得都要踏上返回Sydney o既旅途, 但原來返回途中coach係會經過澳洲首都Canberra, 於是我地決定留兩日一夜, 叫做去過呢個一世人唔會有機會到亦都唔會再去o既城市。 Canberra 係一個重新規劃o既城市, 全市井井有條, 表面上睇佢實在唔值得為一個首都, 但建立呢個城市係為左唔想Sydney同Melbourne爭餐死。
由Melbourne一早坐六個鐘頭車就到達Canberra, 市中心細得很, 唔洗十五分鐘就搵到YHA check in, 呢個城市無其他Hostel只有YHA。 市中心有D似香港o既東涌加愉景灣, 只有一小範圍比較集中有商店同餐廳。 其他景點更係少得可憐, 兩日一夜絕對足夠有餘。 我地只去過National Museum, 戰爭博物館, 新舊議會大樓, 一個好兒嬉o既賭場。 稍為有睇頭o既戰爭博物館, 因為展示左第一第二次世界大戰o既遺物。
話咁快去哂所有景點就返市中心o既超市買o野食返YHA煮, 間超市明明收5點半, 我地排隊俾錢果陣係5點20分, 佢叫我地放低手頭o既o野離開, 因為佢地要收舖, 我同個fd真係O哂咀, 未夠鐘已經趕客? 黃昏5點半所有人都返哂屋企, Canberra變為一個死城。 我地慶幸只留了兩日一夜, stay耐d真係人都癲, 不過我地研究過呢個係家長放心子女留學o既好地方, 無娛樂場所, 無夜生活, 返學放學想學壞都無機會, 但悶死個機會好大!
沒有留言:
發佈留言