成團

上星期同姐姐飲茶得知佢下個月請左10日大假, 頭五日係同老公去蘇梅島, 當我話我都好想去大阪, 佢竟然應承俾後5日我陪我再去一次, 事實上N年前佢已經去過。 本來阿娘都有份去, 但後來醒起要出席我地一位由細識到大o既朋友個婚禮, 於是只有我可以免役, 阿娘同阿爹要代表出席。 於是我嚮往已久o既大阪之旅就成行, 一直都覺得大阪比東京更加吸引我, 風景較多, 近郊溫泉又多又靚, 但好可惜之前去過兩次東京都未有緣去到。 直至表妹知道我地去日本, 佢同男朋友又話加入, 老實說同佢男友實在唔熟, 不過就當跟團一樣都係同d三唔識七o既人一齊玩啦。 整個星期都忙請假book機票酒店事宜, 現在終於告一段落, 可以安排行程。 得知姐姐原來由蘇梅島回港係出發大阪前一晚九點多, 返到屋企已經不早, 預備再執行李第二朝六點又要出發去機場, 實在令我非常感動, 令我覺得我地感情返回佢未嫁之前的好, 好多謝佢成全我去大阪o既夢想呢!