星座

今日同兩個朋友講開星座, 其實我幾信架, 因為星座唔多唔少反映到一個人o既基本性格, 有d仲幾中添.....不過有個朋友就唱反調, 佢話無理由將全世界o既人分為12種喎! 當然12種只係太陽星座,代表大路性格, 仲有月亮星座代表潛在意識同上昇星座代表真實本性, 我相信三樣一齊分析去睇一個人, 都應該有七八成準掛! 以我而家好表面o既星座知識, 我都有部份山羊座特性"船頭驚鬼船尾驚賊", 水瓶座就愛哭, 歌仔都有得唱啦"尤其明知水瓶座最愛是流淚....", 白羊就自我有自己o既世界再加衝動, 金牛就務實, 安份守己, 雙子就愛外向花心善變, 處女就專一而挑剔, 天秤就猶豫不決但就得人唔會同人argue所以朋友好多, 獅子就死要面, 天蠍係記仇架.....基本上我大部份朋友都有呢 d特性。星座真係幾有趣架, 所以我打算搵d course讀深入d研究, 不過唔知幾時先成事。