Yeah! 今日勁開心, 心情勁好! 因為我隊愛隊終於贏波喇, 雖然每每睇完夜波第二日都好眼訓, 不過都係值得。 等左四場終於有場勝仗, 雖然表現唔可以話好好, 畢竟都贏波, 從電視所見費sir同基羅斯都舒左一口氣, 可見佢地壓力好大。講番場波, 一開季到尋晚先有第一場正選o既傑斯一出即有料到, 雖然入球帶幸運, 但佢成場都助攻助守全場奔走, 似要証明俾費sir睇佢仍有能力佔一席位。第二功臣就係我最愛o既雲佬喇, o係我以為又失分之回之際, 又係佢做救世者, 雖則入球難度唔高, 但捕位同觸角都係無可否認的勁! o係球隊咁缺乏供應o既中場線佢都保持咁好入球率, 我地仲可以要求d咩呢? 希望佢o既入球可以令話要賣佢走o既球迷收口啦! 其實呢場波都睇到大家好努力, 好有鬥心, 個別位置只係替工, 力不從心都唔可以怪, 特別係失波之後果段圍攻真係好正, 個波有成10分鐘唔過對方半場, 好鬼感動, 我地出名有鬥心o既曼聯番黎喇, 我相信堅持住呢份鬥志, 就算不敵車仔又如何, 起碼作為fans已經好滿意了, 加油呀紅魔鬼!
3 則留言:
雲佬的射門觸角真係好敏銳，雖然曼聯呢場唔係真係話踢得好好，但那種鬥心是我近年少見的，看見費sir鬆口氣那一刻，我也替這個老人家擔心呢﹗所以，曼聯﹗加油呀﹗點都撐到底呀﹗
傑斯真係fit到漏油~~~呢場波雲佬同埋傑斯都好似躂著左咁~~
不過尋日都我幾自私下..好想奧沙傷.咁比基就有得出..唉..巴士利都有得踢喇..幾時到比基丫?
朱朱....唔好咁啦,巴士利有得出係因為兩邊閘出事都有中堅補番,你個比基打中堅經驗又唔夠,一出事就死得人架喇,所以費蛇唔冒呢個險未嘗無道理,如果佢打閘我sure佢已經有得出場!
發佈留言