剪定唔剪？

因為剪定唔剪頭髮呢個問題已經諗左我成個禮拜, 突然間好想將d頭髮剪過膊頭, 換過新形象, 二來天氣咁熱, 頭髮會清涼d吧! 但又怕剪左唔好睇會後悔呢, 試過好幾次把心一橫想剪到好短都俾髮型師說服了, 佢地多數都叫我唔好剪, 又問我咁長剪左去捨得喇? 佢地比我更唔捨得呢, 哈! 於是就自作主張幫我只修短幾寸, 所以留左咁多年長髮都剪唔成。 讀書年代亦都試過懶型剪到過耳仔咁短, 結果後悔得要死, 整過暑假都唔敢出街, 等頭髮長返先敢見人, 自此以後都唔敢輕舉妄動去改善髮型, 睇黎我又要諗多一頭半個月了。