改變

自問係一個怕改變o既人, 但人生關口已到, 係時候改變一下, 做左七年o既工都要畫上句號, 逼使自己接受新挑戰。 很感謝老細o既縱容, 俾我咁大自由度, 三個月後返去做又得, 唔返亦得, 天下間呢隻老細無幾個吧? 萬一我真係返去做, 我同自己講我會幫佢打一世工, 哈!

離職前兩個月通知相信無幾多人需要咁, 因為老細對我好, 我亦都想盡量將佢o既麻煩減到最細。 新來o既同事都係皇親國戚, 一般o既商業常識一竅不通, 如一張白紙, 小至fax機點用, 長途電話點打我都要一一教起, 對我o既EQ係一大考驗, 如果到我走佢仲未上手, 我真係走得唔安落。 一邊要教人一邊自己個心已經嚮往之後個幾月o既澳洲之行, 真係矛盾至極。