買旗

我一向都係樂於買旗o既人, 一來人地叫到拒絕會覺得唔好意思, 二來自己賣過旗知道果種辛酸, 儘管而家多左好多不知名o既機構賣旗, 有人叫到我都會買的。 但今日連續發生兩件關於買旗o既不快事, 令我有唔再買旗o既想法。 事件一, 一件我好鍾意, 兩星期無著o既外套, 今日先發現仲貼住張旗, 一扯落黎點知將衫上面一執毛都扯甩埋, 心痛得要死。 事件二, 今日落雨私濕, 我一手擔遮一手揸袋, 有個阿婆扯住要我買旗, 很勉強之下都停低拎錢, 入錢時個5蚊跌了, 彎身想執再入之時手中o既散紙包又倒轉了, 好多銀仔跌落地, 成地下都係水, 又擔住遮, 執又唔係唔執又唔係, 狼狽得很。 之後心諗, 如果我唔係懶好心買旗, 我件衫就唔會報銷, 我又唔洗搞到自己咁狼狽, 果真好心無好報的!